Даладаги хуфёна жойдан синтетик наркотикни қазиб олган хорижлик ушланди
«Хавфсиз ва соғлом юрт» тезкор-профилактик тадбирлари доирасида Давлат хавфсизлик хизмати, Ички ишлар вазирлиги ва Божхона органлари ходимлари ҳамкорлигида Тошкент вилоятининг Оҳангарон туманида ўтказилган тезкор тадбирда синтетик гиёҳвандлик воситасининг ноқонуний айланмасига чек қўйилди.
Хусусан, Яқин Шарқ давлатларидан бирининг 1994 йилда туғилган фуқароси дала майдонидаги хуфёна жойдан 970 грамм «Мефедрон» наркотик моддасини қазиб олиб, кетаётган вақтида ушланди.
Шундан сўнг тезкор тадбир давом эттирилиб, хорижликнинг Тошкент шаҳри Мирзо Улуғбек туманидаги вақтинча яшаш хонадонидан 2 дона электрон тарози, термоизолента ва бошқа буюмлар ашёвий далил сифатида олинди.
Ҳозирда дастлабки суриштирув ишлари олиб борилмоқда.
