Исроил Туркияни сайловларга аралашишга уринишда айблади
Исроил расмийлари Туркия мамлакатдаги сайлов жараёнларига аралашишга уринганини маълум қилди.
The Jerusalem Post нашрининг хабар беришича, Исроил томони бу ҳаракатларнинг асосий мақсади жамоатчилик фикрига таъсир ўтказиш, сайлов кампаниясига аралашиш ҳамда мамлакат ичидаги ижтимоий келишмовчиликларни кучайтиришдан иборат деб ҳисобламоқда.
Ҳозирча Исроил расмийлари бу даъволарни тасдиқловчи қўшимча далиллар ёки тафсилотларни ошкор қилмаган. Туркия томони эса мазкур баёнот юзасидан ҳозирча расмий муносабат билдиргани йўқ.
