Туркия Эстониядаги базага F-16 қирувчи самолётларини жойлаштирди

Туркия ҳаво кучлари НАТОнинг Кенгайтирилган ҳаво полицияси (Enhanced Air Policing, eAP) миссияси доирасида расман ўз вазифаларини бажаришга киришди.

Туркия ҳаво кучларининг 181-реактив эскадрони Эстониядаги Амари авиабазасига жойлаштирилишини якунлади.

30 ва 31 июль кунлари бўлинма жойлаштириш ҳудудида танишув парвозларини амалга оширди. Туркиянинг F-16 қирувчи самолётлари 72-блок таркибида вазифаларни бажаради.

Амари авиабазасида 30 ноябргача бешта F-16 қирувчи самолёти ва 76 нафар турк ҳарбий хизматчиси жойлашади.