Инфантино лавозимини сақлаб қолиш учун Оқ уйдан ёрдам сўрамоқда — New York Post
ФИФА президенти Жанни Инфантино лавозимини сақлаб қолиш мақсадида АҚШ президенти Дональд Трамп маъмуриятидан ёрдам сўраётгани ҳақида New York Post хабар берди.
Нашр манбаларига кўра, Инфантино бугун АҚШ давлат котиби Марко Рубио билан ёпиқ мулоқот ўтказиши режалаштирилган. Инфантино суҳбатни футболнинг АҚШнинг «юмшоқ кучи» сифатидаги аҳамияти билан боғлашга уринмоқда. Бироқ манбаларга кўра, учрашувдан асосий мақсад унинг ФИФА раҳбари сифатидаги мавқеини сақлаб қолиш учун Вашингтоннинг қўллаб-қувватловини олиш ҳисобланади.
Инфантинонинг мавқеи ФИФАнинг тижорий активларини хусусий инвесторларга сотиш режаси барбод бўлганидан сўнг жиддий босим остида қолган. Гап Жош Кушнерга тегишли Thrive Capital компанияси иштирокида ФИФАнинг тижорий активларидан 20 фоиз улушни 4 миллиард доллардан ортиқ маблағга сотишни назарда тутган режа ҳақида кетмоқда. Кучли қаршиликлардан сўнг ушбу ташаббус бекор қилинган.
Хабарларга кўра, Инфантино Трамп билан ҳам тўғридан-тўғри боғланишга уринган, аммо президент билан телефон орқали гаплаша олмаган. Шу билан бирга, ФИФА раҳбарининг 2027 йилдаги қайта сайлови ҳам савол остида қолмоқда.
Айни пайтда АҚШ Давлат департаменти Инфантино ва Рубио ўртасида бундай учрашув режалаштирилганини тасдиқламаган. ФИФА ҳам хабар юзасидан расмий изоҳ бермаган.
