Роналду тен Хагнинг танқидига кескин жавоб қайтарди
Португалиялик ҳужумчи Криштиану Роналду «Манчестер Юнайтед»даги собиқ бош мураббийи Эрик тен Хагнинг навбатдаги танқидига муносабат билдирди.
Нидерландиялик мутахассис аввалроқ Роналду «Ювентус»дан кетганидан сўнг юқори савиядаги футболчи мақомига мос келмай қолганини таъкидлаганди.
Журналист Пирс Морган Football Uncensored дастурининг янги сонида португалиялик юлдуздан тен Хагнинг сўзларига жавоб беришни сўраганини маълум қилди.
«Менимча, у ҳақда гапириш учун сўз сарфлашнинг ҳожати йўқ», — дея Роналдунинг жавобини келтирди Морган.
Эслатиб ўтамиз, Криштиану Роналду 2023 йилдан буён Саудия Арабистонининг «Ан-Наср» клубида тўп сурмоқда. 41 ёшли ҳужумчи жорий мавсум 12 та учрашувда 8 та гол урди ва 1 та голли узатма амалга оширди.
