Зеленский АҚШ ва SpaceX компаниясига Starshield бўйича мурожаат қилди

Украина президенти Владимир Зеленский АҚШ расмийлари ва SpaceX компаниясини Starshield сунъий йўлдош алоқа тизими фаолиятига қўйилган чекловларни бекор қилишга чақирди.

Зеленский ўзининг Telegram каналида эълон қилган баёнотида мазкур чекловлар қиш мавсуми арафасида Украинанинг энергетика инфратузилмасини ҳимоя қилиш имкониятларига бевосита таъсир кўрсатаётганини таъкидлади.

«Ушбу чекловлар олиб ташланишига умид қиламиз», — деб ёзди Украина президенти.

Зеленскийнинг билдиришича, ушбу масалани ҳал қилиш мамлакат энергетика объектлари хавфсизлигини таъминлаш учун муҳим аҳамиятга эга.