Ереван бир ой ичида Боку билан тинчлик шартномаси тузишга тайёр
Бу ҳақда Арманистон Ташқи ишлар вазири Арарат Мирзоян маълум қилди.
Мирзояннинг сўзларига кўра, Арманистон муҳим таклифлар билдирган, аммо бу масалада Озарбайжон томондан ҳеч қандай жавоб олинмаган.
“Арманистон ва Озарбайжон ўртасидаги тинчлик шартномасини якунлаш ниҳоятда муҳим, биз Бокуга конструктив таклифлар юбордик, биз Арманистон томони таклиф қилганидек, келишувни яқин ой ичида тузишга тайёрмиз”, — дея аниқлик киритди Арманистон ТИВ раҳбари.
