Садир Жапаров давлат ташрифи билан Ўзбекистонга келади

Садир Жапаров 18-19 июль кунлари давлат ташрифи билан Ўзбекистонда бўлади.

У Шавкат Мирзиёев билан барча соҳалардаги ҳамкорлик ва қирғиз-ўзбек муносабатларини ривожлантириш истиқболларини муҳокама қилади.

Икки давлат раҳбарлари икки томонлама лойиҳаларни онлайн тарзда бошлаб беради.

Жапаров Ўзбекистонда Қирғизистон маданият кунлари очилишида ҳам иштирок этади. Ташриф доирасида Қирғизистон-Ўзбекистон бизнес-форуми ва икки давлат университетлари ректорлари форуми ҳам ўтказилади.