Харрис сайловда ғалаба қозонса, кўпроқ уй-жой қуришга ва озиқ-овқат нархини пасайтиришга ваъда берди
АҚШ президентлигига Демократик партиядан номзод Камала Харрис давлат раҳбари бўлса, ўрта синф учун ҳамёнбоп уй-жой қуриш, шунингдек, озиқ-овқат нархини пасайтириш устида иш олиб боришини айтди.
«Уй-жой тақчиллиги жиддий. Президент сифатида мен қурилиш соҳаси билан ҳамкорликда бизга керак бўлган уй-жойларни қуришда ишлайман», деб ёзади у ижтимоий тармоқда Х.
Амалдаги вице-президентнинг таъкидлашича, агар у сайловда ғалаба қозонса, унинг устувор вазифаси нархларни пасайтириш ва америкаликларнинг иқтисодий хавфсизлигини ошириш бўлади. Хусусан, Харрис «озиқ-овқат нархини ошириш бўйича биринчи федерал тақиқни» қабул қилиш учун ҳаракат қилишига ваъда берди.
Харриснинг таъкидлашича, унинг маъмурияти биринчи марта уй сотиб олувчиларга янги уй учун дастлабки тўловда ёрдам бериш учун 25 000 доллар беради. У ўзининг биринчи муддатининг охиригача мамлакат «ўрта синф учун ҳамёнбоп 3 миллион янги уй ва ижарага бериладиган уй-жой қуриш орқали уй-жой тақчиллигига барҳам беришини» ваъда қилди.
