Эрон йил охиригача ўзини ядровий давлат деб эълон қилиши мумкин — АҚШ
Эрон 2024 йил охиригача ядро қуролига эга эканлигини эълон қилиши мумкин. Бу ҳақда АҚШ Конгресси Вакиллар палатасининг разведка бўйича махсус қўмитаси раиси Майк Тернер баёнот берди.
Шу билан бирга, у бу маълумотни тасдиқлаш ва Теҳрон ядро қуролини (ядровий қурол) яратаётгани ҳақида бир томонлама хулоса чиқариш мумкинми, деган саволга салбий жавоб берди. Конгрессмен, шунингдек, АҚШнинг амалдаги президенти Жо Байден маъмуриятини Эронда ядро қуроли пайдо бўлишига олиб келиши мумкин бўлган келишувда айблади. Қонунчининг сўзларига кўра, бу «Қўшма Штатлар кўп йиллар давомида олдини олишга ҳаракат қилган» жиддий эскалацияга олиб келиши мумкин.
«Уларнинг Байден маъмурияти давридаги мослашувчанлиги ва [ҳаракат эркинлиги] уларга сайловларимизга таъсир ўтказишга уриниш ва [АҚШ президентлигига Республикачилар партиясидан номзод] Дональд Трампга суиқасд уюштиришга уриниш ва ядро қуроли ва ядровий бойитиш дастурларини ривожлантиришни давом эттириш имкониятини берди», деди у.
