Доналд Трамп суиқасддан кейин зирҳли ойна ортида нутқ сўзлади
АҚШда Республикачилар партиясидан президентликка номзод Доналд Трамп суиқасддан кейин илк бор Шимолий Каролинанинг Эшборо шаҳрида очиқ ҳаводаги сайловолди митингида нутқ сўзлади.
“The Guardian” нашрининг хабар беришича, Трамп митинг вақти оломондан ўққа чидамли ойна билан тўсиб қўйилган. Воқеа содир бўлган жойдан олинган кадрларга қараганда, бундай ойналар тўғридан-тўғри унинг олдида ва орқасида ўрнатилган.
“Етмиш олти кундан сўнг биз бу штатда ғалаба қозонамиз ва Оқ уйни эгаллаймиз”, – дея фикр билдирган Трамп.
АҚШ махфий хизмати аввалроқ собиқ президентга назорат қилиш осон бўлган ёпиқ майдонлардан фойдаланишни тавсия қилганди.
Эслатиб ўтамиз, Трампнинг ҳаётига суиқасд 13 июль куни Пенсилванияда сайловчилар олдидаги нутқи вақтида содир бўлганди
