Роберт Кеннеди президентлик пойгасидан чиқди
23 август куни АҚШ президентлигига мустақил номзод кичик Роберт Кеннеди «Сайловда ғалаба қозониш учун реал йўлим борлигига энди ишонмайман», деди. У Республикачилар партиясидан номзод Доналд Трампни қўллаб-қувватлашини маълум қилди.
Худди шу куни Глендейлда Трамп сайловолди митинги режалаштирилган. Унинг кампанияси аввалроқ тадбирда «махсус меҳмон» иштирок этишини эълон қилган эди, бироқ икки сиёсатчининг жамоаси бу меҳмон Роберт Кеннеди бўладими-йўқлигини аниқламади.
Сўнгги ойларда Роберт Кеннеди Трампни ўз тарафдорларига хиёнат қилишда айблади ва у Кеннедини «президентлик пойгасида энг радикал сўл номзод» сифатида танқид қилди. Аммо сўнгги ҳафталарда икки номзоднинг жамоалари жадал мақтовлар алмашишни бошладилар ва Reuters суҳбатдошларига кўра, кучларни бирлаштиришни муҳокама қилишди.
