Украина армияси Курск вилоятидаги 100 та аҳоли пунктини эгаллаб олган
Украина армияси Курск вилоятидаги 100 та аҳоли пунктини эгаллаб олган. Бу ҳақда Украина Қуролли Кучлари Бош Қўмондони хабар берди.
Олександр Сирский бу маълумотни “Украина 2024. Мустақиллик” форумида айтиб ўтди.
«Украина Қуролли кучлари Курск вилоятининг 1294 квадрат километр майдонини назорат қилмоқда. 600 нафарга яқин рус аскари асирга олинган», — дея маълум қилди Украина Қуролли кучлари Бош қўмондони.
Бундан ташқари, Сирский Россия армияси қўмондонлиги Курск йўналишига 30 мингга яқин аскарни жойлаштирганини ва «бу кўрсаткич ўсиб бораётганини» айтди.
