Павел Дуровнинг укаси қамалмаслиги учун Россиядан кетди. У қаерда?
Телеграм асосчиси Павел Дуровнинг укаси Николай Санкт-Петербургни тарк этиб, Дубайга жойлашди. Бу ҳақда «Комсомолская правда» хабар бермоқда.
Маълум бўлишича, Николай юқори интеллектуал қобилиятга эга, математика, дастурлаш ва физика соҳаларида илмий тадқиқотларга катта эътибор беради.
“Павел дастурлаштирмайди. У менежер. Коля эса Телеграмнинг барча калитларига эга. Шунинг учун Павел ҳибсга олингандан сўнг, Франция ҳайратдан оғзини очди ва Николайни қидирувга берди. Улар ҳамма нарсани қўлларида деб ўйлашди, лекин адашишди. Соф жосуслик комедияси”, – деди ака-укалардан бирининг аноним дўстлари.
Николайнинг қариндошларининг сўзларига кўра, у бироз вақт олдин Санкт-Петербургни тарк этган ва ҳозир БААда яшайди. У араб расмийлари уни Францияга, ҳатто Россияга ҳам экстрадиция қилмаслигига ишончи комил.
