Турк расмийси Исроилга нефть етказиб бериш ҳақида фикр билдирди
Туркия Исроилга Озарбайжон ва Қозоғистон нефтини етказиб беришни тўхтата олмайди, чунки бу мамлакат на нефтга, на нефть Исроилга оқиб ўтадиган қувурга эгалик қилмайди, деди турк расмийси MEE нашрига.
«Биз қувурга эгалик қилмаймиз», деди турк расмийси. «Бу Озарбайжон ёки Қозоғистон нефти ва биз уларга ҳам эгалик қилмаймиз.»
Расмийнинг қўшимча қилишича, имзоланган келишувга кўра, Туркия нефть оқимини таъминлашга мажбур, акс ҳолда тўлиқ жавобгарликни ўз зиммасига олади.
Бу изоҳ Туркияда Эрдўғондан Исроил давлатига нефть етказиб беришни тўхтатиш талаби билан давом этаётган норозилик намойишлари фонида янгради.
Агар Халқаро Суд Исроил Ғазода геноцид қиляпти, деган қарорга келса, бу масала алоҳида аҳамиятга эга бўлади.
Хабар қилинишича, 2023 йил 21-октабрдан 2024 йил 12 июлгача Исроилга етказиб берилган хом нефтнинг 28 фоизи Озарбайжондан келган, деди Oil Change International.
