Япония ва АҚШ қўшма машғулотлар олиб бормоқда
Япония ўзини-ўзи мудофаа қилиш кучлари ва АҚШ қуролли кучлари географияси бутун Япония бўйлаб тарқалган кенг кўламли қўшма Keen Sword машқларини ўтказишни бошлади. Ҳар икки йилда бир марта ўтказиладиган, бошқа вазифалар қатори ҳаво ва ракета ҳужумига қарши мудофаани ҳам ўз ичига олган бу машғулот 1 ноябрга қадар давом этади.
Аввалроқ Япония Мудофаа вазирлиги машғулотларда томонларнинг штаб-квартираларини мувофиқлаштириш, биргаликдаги ҳаво-десант операциялари, интеграциялашган ҳаво ва ракета ҳужумига қарши мудофаа, муҳим инфратузилма ва узоқ Япония оролларини ҳимоя қилишга эътибор қаратилишини маълум қилганди. Машғулотларда ҳар икки томоннинг уч турдаги қўшинлари (қуруқлик, денгиз ва ҳаво) қатнашади.
Шунингдек, бу йил машғулотларга Австралия қуролли кучлари ҳам қўшилади. Япония мудофаа вазирлиги маълумотларига кўра, машғулотларда Япония томонидан 33 минг, Америка томондан 12 мингга яқин ҳарбий хизматчи қатнашади. Қайд этилишича, Япония ва АҚШ бу йил Keen Sword машқларига 40 та кема ва 370 та самолёт жалб қилади.
