Зеленский урушни тугатиш йўлидаги биринчи қадамни айтди
Россия ва Украинанинг бир-бирининг энергетика инфратузилмаси объектларига зарба беришдан тийилиши урушнинг қизғин фазасини якунлаш йўлидаги биринчи қадам бўлиши мумкин, деди Украина президенти Владимир Зеленский Financial Times нашрига берган интервьюсида.
«Энергетика хавфсизлиги бўйича қарор қабул қилиниши мумкин. Бошқача айтганда, биз уларнинг энергетика инфратузилмаси объектларига ҳужум қилмаймиз, улар бизникиларга ҳужум қилмайди. Бу урушнинг қайноқ фазасини тугатиши мумкинми? Ўйлайманки, ҳа,» – деди Зеленский.
Унинг сўзларига кўра, Россия билан энергетика, шунингдек, Қора денгиздаги савдо кемаларига зарба беришдан воз кечиш бўйича келишувлар Москва урушни тугатишга тайёрлигидан далолат бериши мумкин. Бироқ, унинг сўзларига кўра, Россиянинг музокараларга очиқлиги «биринчи навбатда АҚШдаги сайловларга боғлиқ.»
