Сурия санкциялардан озод бўлмоқда
Европа Кенгаши Сурияга нисбатан бир қатор чеклов чораларини тўхтатиш тўғрисида қарор қабул қилди.
Европанинг ушбу бошқарув органининг расмий ахборот хабарида таъкидланишича, мазкур қарор Европа Иттифоқининг мамлакатда ҳокимият ўтказилишини қўллаб-қувватлаш, шунингдек, унинг иқтисодий тикланиши, қайта қурилиши ва барқарорлашувини тезлаштириш бўйича саъй-ҳаракатларининг бир қисми ҳисобланади.
Ҳужжатда қайд этилишича, Европа Иттифоқи Сурия, унинг аҳолиси ва тадбиркорлари билан энергетика ва транспорт каби муҳим соҳаларда ҳамкорликни енгиллаштириш, шунингдек, ушбу соҳалар билан боғлиқ ва инсонпарварлик мақсадларини амалга ошириш учун зарур бўлган молиявий ва банк операцияларини соддалаштириш йўлида ҳаракат қилмоқда.
Ҳужжатда қайд этилишича, “Асад режимининг қулаши Сурия халқи учун янги умид даврининг бошланишидир”.
