Tesla Маск ўрнига янги раҳбар излаяпти

The Wall Street Journal хабарига кўра, Tesla кузатув кенгаши Илон Маск ўрнига компанияга тўлиқ вақт ажратадиган янги раҳбар топиш устида иш бошлаган.

Бу қарор компания фойдаси ва акциялари қийматининг пасайиши, шунингдек, Маскнинг сиёсий фаоллиги ортиб, инвесторлар норозилиги фонида қабул қилинган.

Хабарда таъкидланишича, Маскнинг диққати Оқ уйга қаралаётгани баъзи инвесторлар ва кузатув кенгаши аъзоларини ташвишга солган.

Кузатув кенгаши янги раҳбар номзодини топиш учун бир неча хедхантинг компанияларига мурожаат қилган.