Ўзбекистон терма жамоасига номзод футболчи Эрон клубини тарк этди
Ўзбекистонлик вингер Жасур Яхшибоев Эроннинг «Нассажи Мозандарон» клубини тарк этди.
Миллий жамоамизга номзод футболчи «Нассажи» сафида атиги 3 ўйинда майдонга тушди. Мавсум якунларига кўра, форс клуби Эрон Про лигасини тарк этди. 27 ёшли футболчи эса эркин агентга айланди.
Эслатиб ўтамиз, Жасур ўтган мавсумда Қозоғистоннинг «Ордабаси» клуби сафида тўп суриб, 27 ўйинда 9та гол ва 4та ассистга муаллифлик қилганди.
Бу мавсумда Эрон чемпионатида Яхшибоевдан ташқари, Жалолиддин Машарипов (Истиқлол), Остон Ўрунов (Персеполис) ва Ўткир Юсупов (Фулад) сингари футболчилар тўп сурди.
