Ёнилғи қуйиш бекатида бошланган МИЛЛИОНЛАБ омад!
Алберта (Канада) вилоятида яшовчи Девид Серкин саратон касалигини енгиб, нафақага чиққач, омади юришди: у бир нечта лотерея ўйинларида йирик ютуқларга эришди. Бу ҳақда The Guardian хабар берди.
Серкин 1982 йилдан бери лотерея чипталарини харид қилиб келади. Унинг биринчи йирик ютуғи 10 йил олдин — 250 минг доллар бўлган. Кейинчалик 2024 йилда у икки марта — августда 500 минг ва ноябрда 1 миллион доллар, 2025 йил майда эса яна 1 миллион доллар ютиб олди. Сўнгги чиптани у тасодифан Летбриж шаҳридаги АЗСдан олган.
«Бундай омад жуда кам учрайди, лекин менга чипта олиш жараёнининг ўзи ҳам ёқади», — дейди Серкин. У сўнгги ютуқ пулларини рафиқаси билан Гавайига саёҳатга сарфлади. Энди эса Ньюфаундлендга боришни режалаштирмоқда.
