Ўғлининг аҳлатини излаб топиб рўмолчага тугиб узоқ вақт ҳидлаб юради!..

Ўғлининг аҳлатини излаб топиб рўмолчага тугиб узоқ вақт ҳидлаб юради!..

Бу машхур фото «Ўғлининг пальтосини кўтариб юрган ота» деб номланган ва 1945 йили Берген-Белзен концлагерида асирлар озод қилинганида олинган.
Берген-Белзен озод қилинганидан кейинги кунларда, лагерда қўлида кичик размерли эски пальточа кўтариб юрган арвоҳдай ориқ бир одам кўзга ташланар эди.
Бу пальто унинг ёшгина ўғлиники бўлган. Бола концлагердагилар озод қилинишидан олдин ўлган эди.
Атрофдагилар уни палътодан воз кечишга ундаганда, у шундай дерди: “ Пальтода ўғлимнинг ҳиди қолган. Ҳали ҳам унинг ҳиди бор. Қўлимдан келгунча уни кўтараман.”
Бу пальто фақат ўғлидан қолган хотира эмас, балки маъно, эсдалик ва муҳаббат тимсоли эди — ҳар нарсани тортиб олган жойдаги ягона юрак бўла оладиган нарса.
Бу тарихий фактларни ўқиб 1984 йили Урганч музейида журналист Рўзмат Отаев билан суҳбат эсимга тушди.
Отаев музейдаги картинадан таъсирланиб ўз дардини айтиб берганди.
Унинг ҳали 10га ҳам кирмаган ўғли ўлганди.
Ўғли ўлишидан олдин Рўзмат ака билан бирга машинада қишлоққа боришган. Йўлда ўғлининг туалетга чиққиси келган. Ўғил қишлоқдаги бир чекка жойда хожатини чиқарган. Рўзмат ака эса ахлатни тупроқ билан кўмиб яна мошинага чиқиб кетишган. Орадан сал вақт ўтиб ўғил ўлди. Кўмилди. Ота ўғлини соғиниб ўша қишлоқдаги туалет воқеаси эсига тушади.
Мошинасида қайтиб бориб ўғлининг аҳлатини излаб топиб рўмолчага тугиб узоқ вақт ҳидлаб юради.
Отанинг фарзанд севгиси бу. Ўшанда мен бу воқеани айтган Рўзмат акани қучоқлаб йиғлагандим. Сиз буни ўқиб йиғламанг.
Дўстларингизга ҳам юборинг: