Даҳшат! Андижонда собиқ почча қайнукасининг машинасини ёқиб юборди!..
Жорий йилнинг 3 август куни тунги соат 01:28 ларда Андижон тумани, Зангибобо маҳалласи, Учкўприк кўчаси, 48-уйда яшовчи Ў.У. 102 қисқа рақамига хабар бериб, уйининг олдида турган ўзига тегишли бўлган «Нексия-2» русумли автомашинасини собиқ поччаси ёқиб юборганини маълум қилган.
Воқеа жойига тергов-тезкор гуруҳи аъзолари зудлик билан етиб бориб, суриштирув ҳаракатлари олиб борилган.
Мазкур ҳолат юзасидан Андижон тумани ИИБ ҳузуридаги Тергов бўлинмаси томонидан гумонланувчи шахсга нисбатан Жиноят кодексининг 173-моддаси (Мулкни қасддан нобуд қилиш ёки унга зарар етказиш) 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
