Оқ уй Зеленскийни Аляскага таклиф қилиш имкониятини кўриб чиқмоқда
NBC News маълумотларига кўра, АҚШ президенти Доналд Трамп Украина президенти Владимир Зеленскийни Аляскада Владимир Путин билан учрашувга таклиф қилиш имкониятини кўриб чиқмоқда.
NBC «юқори мартабали АҚШ амалдаори ва ички музокаралар ҳақида хабардор бўлган уч киши»га таянади. «Бу муҳокама қилинмоқда», — деди манбалардан бири телеканалга. Оқ уй амалдаори ҳам Зеленскийнинг Аляскага келишини «бутунлай» мумкин деб атади. Бундан ташқари:
«Ҳамма бу амалга ошишини жуда хоҳлайди. Президент ҳали ҳам иккала давлат раҳбари билан уч томонлама саммитга очиқ», — дейилади.
Зеленский 9-августдаги кечки видео мурожаатида Киевнинг музокараларда иштирок этишини талаб қилди:
«Украина учун тинчлик йўли фақат Украина билан бирга ва фақат Украина билан белгиланиши керак, бу принцип масаласи».
Европа лидерлари ҳам «тинчлик йўли» Украинасиз қурилмаслиги керак деб ҳисоблайди. Музокаралар тўхташга олиб келиши керак, дейди Буюк Британия, Франция, Германия, Италия, Польша, Финляндия ва Европа Комиссияси президенти Урсула фон дер Ляйен. Халқаро чегаралар куч билан ўзгартирилмаслиги керак, дейди Европа, аммо:
«Жорий тўқнашув чизиғи музокаралар учун бошланғич нуқта бўлиши керак».
NBC манбалари айтишича, Трамп маъмуриятида учрашувни режалаштириш давом этмоқда.
