Парижда Эйфел минорасидан парашют билан сакраган эркак қўлга олинди

Париж полицияси шанба куни эрталаб Эйфел минорасидан парашют билан сакраган эркакни ҳибсга олди.

Бу ҳақда Le Journal du Dimanche газетаси ҳуқуқ-тартибот идораларидаги манбасига таяниб хабар берди.

Нашрнинг ёзишича, ёдгорлик ҳали ташриф буюрувчилар учун ёпиқ бўлган соат 05:20да уч нафар ёш Эйфел минорасига кўтарилган. Бир соат ўтгач, улардан бири парашют билан минорадан сакраб, Champ de Marsга қўнди ва у ерда полиция отряди томонидан қўлга олинди.

Қайд этилишича, қоидабузарлар “архитектура ёдгорлиги ҳисобланган бинога рухсатсиз кириш”да айбланмоқда. Уларнинг хатти-ҳаракатлари устидан шикоят Эйфел минорасини эксплуатация қилиш жамияти (SETE) вакили томонидан берилган.