Эрга тегишдан мақсад, уни ўлдириб бойликларига эга чиқиш!..

58 ёшли Кулсум Акбарий 2023 йил сентябрида 82 ёшли турмуш ўртоғининг шубҳали ўлими ортидан қўлга олинган. Al Arabiya агентлиги маълумотларига кўра, ўлимидан сал олдин марҳум яқинларига хотинининг ғалати тутинишини айтган. У вафот этгач, марҳумнинг акаси полицияга мурожаат қилиб, экспертиза ва тергов ўтказишни талаб қилган. Шу пайтдаёқ Акбарий ҳибсга олинган.

Тергувда аёл 11 та ўлдириш жиноятини тан олган. У ҳар доим ёлғиз, қария, касал, аммо молиявий жиҳатдан таъминланган эркакларга турмушга чиққанини айтган. Бундай одамларни топишда унга аниқланмаган шахслар ёрдам берган. Кулсум никоҳ тузишда махр (приданое) олиш шартини қўйган, кўп ўтмай эса унинг эрлари касал бўлиб қолган ва сўнг ўлган. Биринчи қурбонларидан бирини у аввал техник спирт билан заҳарлаб, сўнг бўғиб ўлдирган.

Шундан кейин у эҳтиёткорроқ ҳаракат қила бошлаган: гипертония ёки босим дориларини ичимликка аралаштириб, эрларига берган ва дозани аста-секин оширган. Эрларининг аҳволи ёмонлашганда уларни шифохонага олиб борган ва ғамхўр хотиндек кўринган. Даволангандан сўнг у яна дори миқдорини ошириб, шу тарзда уларни ўлдирган ва мерос қилиб мол-мулкка эга чиққан.

2001 йилдан 2023 йилгача Акбарийнинг 18 шериги ва 19 расмий никоҳи бўлган. Улар­нинг барчаси вафот этган, шунинг учун терговчилар «қора бева» қурбонлари 11 нафардан кўпроқ бўлиши мумкин, деб ҳисобламоқда.