Путин ва Трамп Аляскадаги Анкориж шаҳрида учрашади

«Доналд Трамп ва Владимир Путиннинг учрашуви 15 августда Алясканинг Анкориж шаҳрида бўлиб ўтади»

Бу ҳақда Оқ уй матбуот котиби Кэролайн Ливитт маълум қилди.

Унинг айтишича, президентлар учрашувининг мақсади Украинада тинчликка эришиш учун Россиянинг нуқтаи назарини чуқурроқ англашдан иборат.

Эслатиб ўтамиз, бундан олдин Россия президенти ёрдамчиси Юрий Ушаков ҳам мазкур саммит 15 август куни бўлиб ўтишини айтганди.