Англияда йил бошидан бери 70 дан ортиқ чикунгунья безгак касаллиги ҳолати қайд этилди
Буюк Британияда йил бошидан бери 73 та чикунгунья безгак касаллиги қайд этилган бўлиб, уларнинг кўпчилиги Лондонда аниқланган. Бу ҳақда Report Британия оммавий ахборот воситаларига таяниб, мамлакат Соғлиқни сақлаш агентлиги (UKHSA) маълумотига асосан хабар берди.
Маълумотларга кўра, жорий йилнинг январь–июнь ойларида ўтган йилнинг шу даврига нисбатан касалликнинг ташқаридадан кириб келган ҳолатлари сони сезиларли ошган. 2024 йилнинг шу даврида 27 та ҳолат қайд этилган бўлса, 2025 йилда бу кўрсаткич 73 тани ташкил этди.
Шунингдек, шу давр мобайнида мамлакатда илк бор Оропуш безгак касаллигининг ҳам учта ҳолати аниқланган. Бу тропик безгакнинг Британияда қайд этилган тарихий биринчи ҳолатлари ҳисобланади.
