Хориждаги 4 нафар жиноятчи Ўзбекистонга депорт қилинди
АҚШ Иммиграция ва божхона полицияси ходимлари ҳамроҳлигида икки нафар ўзбекистонлик Нью Йоркдан Тошкентдаги Ислом Каримов номидаги Халқаро аэропортга олиб келинган.
Шунингдек, яна икки киши Истанбулдан чиқариб юборилган. Улар кейинги тергов ҳаракатларини ўтказиш мақсадида Интерпол Миллий марказий бюроси ва республика ҳудудий ички ишлар органлари ходимларига топширилган.
Бу 4 киши солиқларни тўлашдан бўйин товлаш, ўта йирик миқдордаги фирибгарлик ва бошқа жиноятларда айбланмоқда.
