Трамп 22 август куни Путин ва Зеленский билан уч томонлама саммит ўтказишни режалаштирмоқда
АҚШ президенти Доналд Трамп 22 август куни Россия президенти Владимир Путин ва Украина президенти Владимир Зеленский билан уч томонлама саммит ўтказишни режалаштирмоқда. Бу ҳақда Axios нашри икки манбага асосланиб хабар берди.
Манбаларга кўра, Трампнинг бу ташаббуси Путин ва Зеленский билан ўтказилган телефон мулоқотлари ортидан илгари сурилган. Бироқ Кремль ҳозирча учрашув ўтказишга қатъий розилик билдирмаган.
Reuters’нинг қайд этишича, Зеленский Донецк вилоятини Россияга бериш шартин рад этган. Путин эса Трамп билан мулоқот чоғ‘ида Украинага “хавфсизлик кафолатлари”ни муҳокама қилишга тайёрлигини билдирган, аммо бунда Хитойни ҳам кафил сифатида кўришни таклиф қилган.
Axios манбалари таъкидлаганидек, Россия президенти тинчликка оид шарт сифатида Украинанинг шарқий ҳудудларидан қўшинларни олиб чиқишни талаб қилмоқда. У Донецкдан қўшинлар чиқарилиши эвазига Херсон ва Запорожье вилоятларидаги ҳужумларни тўхтатишга тайёрлигини билдирган.
Шу билан бирга, Трамп 18 август куни Оқ уйда Зеленский билан учрашув режалаштирилгани ва унга Европа давлатлари раҳбарлари ҳам таклиф этилгани маълум қилинган.
