Москва “Тўхта” деган сўзни эшитиши керак — Володимир Зеленский
Трамп ва Зеленскийнинг Вашингтондаги музокаралари арафасида Россия Украинага ҳужум қилди. Зеленский Россия зарбасини «мутлақо намойишкорона ҳаракат» деб атади.
«Россия бугун Вашингтонда урушни тўхтатиш учун учрашув бўлаётганини билади. Путин бу уруш учун ҳеч қандай мукофот олмаслиги керак. “Тўхта” деган сўзни эшитиши керак бўлган томон бу айнан Москва», — дея таъкидлади Зеленский.
Хабар берилишича, Харковда Россия дронлари турар-жой биносига зарба бериши оқибатида етти киши ҳалок бўлган, кўплаб инсонлар жароҳатланган. Қутқарув ишлари давом этмоқда.
Запорожега қилинган ҳужум оқибатида уч киши ҳалок бўлган, камида 20 киши яраланган. Яраланганларнинг кўпи оғир аҳволда.
