Электротехника ва радиоэлектроника маҳсулотларида хавфли моддаларни ишлатиш чекланади
Ҳукумат қарори (517-сон, 15.08.2025 й) билан “Электротехника ва радиоэлектроника маҳсулотларида хавфли моддаларни ишлатишни чеклаш тўғрисида”ги техник регламент тасдиқланди.
🔰 Регламент Ўзбекистонда муомалага чиқарилаётган электротехника ва радиоэлектроника маҳсулотларида хавфли моддаларни ишлатишни чеклашга доир бажарилиши мажбурий бўлган ягона талабларни белгилайди.
📝 Электротехника ва радиоэлектроника маҳсулотларининг фойдаланиш ҳужжатлари давлат тилидаги паспорт, ўрнатиш, техник хизмат кўрсатиш ва таъмирлаш йўриқномаси ҳамда ундан фойдаланиш қўлланмасини ўз ичига олиши керак.
✅ Ўзбекистонда муомалага чиқариладиган электротехника ва радиоэлектроника маҳсулотларининг ушбу регламент талабларига мувофиқлиги баҳоланиши шарт.
⭕️ Қадоқларга электротехника ва радиоэлектроника маҳсулотининг ҳамда ишлаб чиқарувчининг номи ва (ёки) товар белгиси жойлаштирилиши керак.
📌 Мазкур регламент расмий эълон қилинган кундан эътиборан 6 ой ўтгач кучга киради.
