Ватанни неча пулдан сотмоқчисизлар?
1946 йилда Горькийдаги автомобиль заводида янги машина ишлаб чиқарилади ва биринчи автомобилни Сталинга намойиш қилишади.
Машина Сталинга маъқул тушади.
– Хўш, янги автомобилни нима деб номладинглар? – сўрайди Сталин.
– Биз кўпчилик маслахатлашиб унга «Родина” (Ватан) деб ном қўйишни лозим топдик.
– Яхши, яхши, – дебди Сталин трубкасини тортиб.
– Хўш, кейин Ватанни неча пулдан сотмоқчисизлар?
Хамма йўл қўйилган катта сиёсий хатодан тилларини тишлаб қолибди.
Кейин Сталиннинг таклифи билан СССРнинг Иккинчи Жахон урушидаги ғалабаси шарафига автомобилга «Победа” (Ғалаба) деб ном беришган экан.
