Саратоннинг хавфли тури ривожланишини тўхтатиш йўли топилди
Жигар саратонида стандарт терапияга вакцинани қўшиш касалликнинг ривожланишини сезиларли даражада секинлаштириши мумкин.
Бирмингем университети ва Буюк Британиянинг бир қатор клиникалари олимлари мазкур йўналишдаги ўз тадқиқотлари натижаларини Clinical Cancer Research журналида эълон қилишди.
Вакцина иммунитет тизимининг асосий регуляторлари бўлган дендритик ҳужайралардан ишлаб чиқилган. Улар беморларнинг оқ қон ҳужайраларидан ажратилади, ўсма оқсилларини таниб олиш учун лабораторияда “ўргатилади” ва организмга қайтарилади. Ушбу ёндашув саратонга ҳужум қиладиган иммун ҳужайраларини фаоллаштиради.
Синовда гепатоцеллюляр карсинома билан касалланган 48 бемор иштирок этди. Дендритик вакцина билан биргаликда стандарт даволанганларда ўсма ўртача 18 ой давомида ривожланмади. Назорат гуруҳида бу кўрсаткич атиги 10 ой давом этди. Бу вакцинанинг жигар саратонига қарши самарадорлигини кўрсатадиган биринчи назорат остида клиник синов бўлди.
Усул каттароқ синовларда қўшимча текширувларни талаб қилади, аммо натижалар саратоннинг энг хавфли турларидан бирига қарши курашишнинг янги, қулай ва самарали усулини ишлаб чиқилишига умид уйғотмоқда, деб хабар берди lenta.ru.
