Чилонзор туманида электромобиль ёниб кетди
Бугун, 28 август куни Тошкент шаҳрининг Чилонзор туманида электромобиль ёниб кетди. Бу ҳақда Тошкент шаҳар Фавқулодда вазиятлар бошқармаси хабар берди.
Қайд этилишича, соат 08:09 да Чилонзор тумани Бунёдкор шох кўчасида электромобиль ёнаётгани тўғрисида Тошкент шаҳар ФВБга хабар тушган. Шунга кўра, ёнғин-қутқарув техникалари айтилган манзилга соат 08:15 да етиб бориб, ёнғин соат 08:19 да ўчирилган.
Хабарда айтилишича, ёнғин оқибатида жабрланганлар йўқ. Ҳозирда ҳодиса сабаби ва келтирилган моддий зарар миқдори аниқланмоқда.
