Gangnam Style ижрочиси Psy психотроп дорилар учун рецептларни ноқонуний олганликда айбланмоқда
Gangnam Style хити туфайли дунё миқёсида шуҳрат қозонган қўшиқчи ва рэпер Psy (ҳақиқий исми Пак Чжэ Сан) устидан тергов давом этмоқда. У психотроп препаратлар учун рецептларни ноқонуний равишда олишда айбланмоқда.
Бу ҳақда Yonhap агентлиги ҳуқуқ-тартибот идораларига таяниб хабар берди.
Маълум қилинишича, у Сеулдаги университет шифохонасидан Ксанакс ва Стилнокс психотроп дори воситаларини шахсан шифохонага бормаган ҳолда учинчи шахслар орқали рецепт бўйича олган.
Psyга оид тергов доирасида ушбу шифохона шифокори ва хонанданинг менежери ҳибсга олинган.
