Украинада 19 қаватдан тушиб кетган эркак омон қолди
60 метр баландликдан қулагaн эркак автомобил устига йиқилган.
Киевнинг Днепровский туманида ҳайратланарли воқеа юз берди. 36 ёшли эркак кўп қаватли уй – 19 қаватнинг деразасидан қулаб тушди.
У тахминан 60 метр баландликдан йиқилганига қарамай, пастда турган автомобиль устига тушган ва айнан шу машина зарбани юмшатиб, эркакнинг ҳаётини сақлаб қолган. Автомобилнинг том қисми бутунлай шикастланган.
Воқеа 30 август куни эрталаб содир бўлган. Гувоҳлар дарҳол тез ёрдам чақирган. Шифокорлар маълумотига кўра, жабрланувчи оғир тан жароҳатлари билан шифохонага ётқизилган. У ёпиқ бош мия жароҳати, қорин ва кўкрак қафаси травмаси олган бўлса-да, ҳаёти хавф остида эмас.
Полиция мазкур ҳолат юзасидан дастлабки терговни бошлаган. Асосий эҳтимоллардан бири сифатида ўз жонига қасд қилишга уриниш ҳолати кўриб чиқилмоқда. Ҳозирда воқеанинг аниқ сабаблари аниқланмоқда.
Ижтимоий тармоқларда фуқаролар автомобилнинг эгасига етказилган моддий зарардан қатъи назар, айнан шу машина инсон ҳаётини сақлаб қолганини таъкидлашмоқда.
