Аргентиналик ёш иқтидор «Реал» рекордини ўрнатди

Мадриднинг «Реал» клуби вингери Франко Мастантуоно Чемпионлар лигаси УЕФА умумий босқичи 1-турида «Марсель»га қарши баҳсни 18 ёш 33 кунлик пайтида асосий таркибдан бошлади. Шу тариқа аргентиналик футболчи ЕЧЛ доирасида асосий таркибдан майдонга туширилган «Қироллик клуби» тарихидаги энг ёш футболчига айланди.

Илгари бу рекорд «Реал» футболчиси Эндрикка тегишли эди — у 2024 йил ноябрь ойида 18 ёш 73 кунлик пайтида «қаймоқранглилар» сафида асосий таркибда майдонга тушганди.

Мастантуононинг клуб билан амалдаги меҳнат шартномаси 2031 йил ёзига қадар мўлжалланган. Transfermarkt портали маълумотига кўра, футболчининг бозор қиймати 30 млн еврони ташкил қилади.