Анчелотти ўзи билан бирга ишлаган энг яхши 7 футболчини санаб ўтди
Бразилия терма жамоаси бош мураббийи Карло Анчелоттидан у билан ишлаш бахтига муяссар бўлган энг яхши футболчиларни айтишни сўрашди.
Бразилиялик ESPN нашри саволига жавоб берар экан, Анчелотти 7 нафар футболчи – Роналдо, Криштиану Роналду, Кака, Лука Модрич, Тони Кроос, Винисиус Жуниор ва Дидье Дрогбанинг исмини айтди.
Карло Анчелотти ёзда Бразилия терма жамоасини қабул қилиб олганди. Келгуси йили италиялик мураббий қўл остида «Селесао» жаҳон чемпионатида иштирок этади. Турнир АҚШ, Канада ва Мексикада бўлиб ўтади.
Бразилия терма жамоаси тарихда беш марта жаҳон чемпионлигини қўлга киритган. Охирги марта бу 2002 йилда содир бўлган.
