АҚШ суди Трампнинг Тhe New York Times’га қарши 15 миллиард долларлик даъвосини рад этди
Судя Стивен Мерридей даъво аризаси қоидабузарлик билан берилганини билдирди. Мерридейнинг сўзларига кўра, унда президентни талабларининг моҳияти аниқ кўрсатилмаган.
Судянинг таъкидлашича, даъво аризасида жавобгар томонларга талабларнинг табиати ва мазмуни ҳақида аниқ маълумот берилиши керак.
«Даъво — бу рақибга нисбатан ҳақоратлар ва қаттиқ танқидларга бағишланган оммавий майдон эмас», — деди судя.
Мерридей Трампга 28 кун ичида тўғриланган даъво аризаси билан мурожаат қилиш имконини берди, унинг ҳажми 40 бетдан ошмаслиги керак.
Эслатиб ўтамиз, 16 сентябр куни АҚШ президенти Доналд Трамп Тhe New York Times’ни туҳмат айблови билан судга беришини эълон қилган эди. Трампнинг фикрича, газета “ўнлаб йиллар давомида” унинг ўзи, оиласи, бизнеси ва бутун Америка миллати ҳақида ёлғон маълумотлар тарқатган. У, шунингдек, нашрни “радикал сўл Демократик партиянинг овози” деб атаганди.
