АҚШ НАТО ҳудудининг ҳар бир сантиметрини ҳимоя қилади — АҚШнинг БМТдаги элчиси
Россия томонидан Европанинг ҳаво ҳудуди бир неча марта бузилганидан сўнг, АҚШ кескин баёнот билан чиқди: НАТО ҳудудига қилинган ҳар қандай ҳужумга сўзсиз жавоб қайтарилади.
Бу ҳақда 22 сентябрь куни БМТ Хавфсизлик Кенгашида АҚШнинг вақтинча элчиси Майкл Уолтц маълум қилди:
🗣️ «Мен ушбу имкониятдан фойдаланиб яна бир бор таъкидламоқчиман: Америка Қўшма Штатлари ва унинг иттифоқчилари НАТО ҳудудининг ҳар бир сантиметрини ҳимоя қилади.»
Элчи Уолтц Москвага мурожаат қилиб, янги кескинликка олиб келувчи хатти-ҳаракатлардан тийилишга чақирди. АҚШ ва унинг ҳамкорлари Россиядан можарони кучайтириш эмас, деэскалацияга эришиш учун йўл излашини кутмоқда.
