Германия энг йирик ҳарбий кемаларни қуришни тезлаштирмоқчи
Германия ҳукумати 1945 йилдан бери мамлакатнинг энг йирик кемасозлик лойиҳаси бўлган F126 типидаги олтита фрегатни қуришни якунлаш режаларини тасдиқлади.
Манбаларнинг BILD’га айтишича, буюртма қиймати 10 миллиард евродан ошади, бироқ техник муаммолар туфайли муддатлар кечикмоқда: биринчи режалаштирилган фрегат денгиз флотига 2028 йилда етиб келиши керак эди, бироқ бу жадвал барбод бўлди.
Дастлаб шартнома Нидерландиянинг Damen Naval кемасозлик корхонасига берилган, бироқ лойиҳа АТ-тизимлар билан боғлиқ муаммолар туфайли боши берк кўчага кириб қолган. Энди қурилишни бош пудратчи сифатида иштирок этишга тайёр бўлган Бремендаги Германиянинг Lürssen (NVL) компаниясига топшириш режалаштирилган. NVL учун бу лойиҳа муваффақиятли бўлиши мумкин.
Аввалроқ ҳукуматдагилар дастур умуман бекор қилинишидан хавотирда эди.
F126 фрегатлари узоқ масофали универсал кемалар сифатида ишлаб чиқилган. Бироқ, ҳозир Россиянинг тажовузкор сиёсати шароитида, ҳарбий экспертларнинг таъкидлашича, эҳтиёж ўзгармоқда.
«Болтиқ денгизида бизга Россия кучларини тўхтата оладиган жанговар кемалар керак,» – деди BILD манбаларидан бири.
