OpenAI дунёдаги энг қиммат компания
Компаниянинг собиқ ва ҳозирги ходимлари инвесторларга тахминан 6,6 миллиард долларлик акцияларни сотган. Дастлаб акцияларни тахминан 10,3 миллиард долларга сотишга рухсат берган, бироқ кўпчилик бизнеснинг истиқболига ишонч билдирган ҳолда бундай қилмасликка қарор қилган. Бу ҳақда Bloomberg ва Reuters хабар бермоқда.
Илгари компания тахминан 300 миллиард долларга баҳоланган эди. Акцияларни сотиш натижасида унинг қиймати Илон Маскнинг SpaceX компанияси қийматидан ошиб кетди. SpaceX тахминан 400 миллиард долларга баҳоланган бўлиб, ҳозир у рўйхатда иккинчи ўринда турибди. Учинчи ўринда эса TikTok эгаси бўлган Хитойнинг ByteDance компанияси ўрин олган.
Бизнесмен Илон Маск 2025 йил бошида OpenAI’ни 97,4 миллиард долларга сотиб олиш таклифини билдирганди.
Bloomberg’нинг таъкидлашича, OpenAI қийматининг ошиши сунъий интеллект соҳасидаги технология етакчилари атрофидаги “инвестицион қизиқиш”ни кўрсатади.
