Владимир Путин ва Виктор Орбан ўртасида телефон мулоқоти бўлиб ўтди
Россия президенти матбуот котиби Дмитрий Песковнинг айтишича, Венгрия бош вазири Виктор Орбан президент Владимир Путин билан гаплашиш нияти борлигини билдирган ва ушбу телефон мулоқоти бўлиб ўтган.
Унда Орбан Будапештда бўлиши кутилаётган Россия-АҚШ саммитини ташкил этиш учун шароитлар яратишга тайёрлигини билдирган.
Путин эса Доналд Трамп билан бўлган суҳбатнинг асосий мазмуни ҳақида Венгрия бош вазирига маълумот берган.
