iPhone19 чиқарилмайди

Кореянинг ETNews нашри хабарига кўра, Apple компанияси 2027 йилда iPhone 19 сериясини тақдим этмайди. Бу ҳақда нашр Omdia компанияси таҳлилчиси Хо Му-Ёлнинг баёнотига таяниб маълум қилган.

​Таҳлилчининг сўзларига кўра, Apple 2027 йилда iPhone’нинг 20 йиллигини нишонлаш муносабати билан iPhone 19 сериясини ўтказиб юборади ва ўрнига тўғридан-тўғри iPhone 20 янги авлод смартфонларини тақдим этади.

​Бу компания учун илк ҳолат эмас. 2017 йилда Apple биринчи iPhone’нинг 10 йиллигини нишонлаганида ҳам iPhone 9’ни чиқармай, ўрнига iPhone 8 ва iPhone X моделлари билан бозорга чиққан эди.

​Мутахассислар фикрича, бу қарор бренд тарихидаги рамзий узвийликни таъкидлаш ва янги технологик босқични эстетик жиҳатдан ифодалаш мақсадида қабул қилинган.