БАА Судандаги хатони тан олди
БАА президентининг маслаҳатчиси Анвар Гаргаш Судандаги ҳарбий тўнтаришни қўллаб-қувватлаб, «жиддий хатога йўл қўйишганини» тан олди. Унинг сўзларига кўра, икки суданлик генерал расмий ҳукуматни ағдарганида ҳамма нотўғри қарор қабул қилган: «Орқага назар солсак, бу катта хато бўлган. Биз ўша пайтда ўз позициямизни қатъийроқ туриб ҳимоя қилишимиз керак эди», — деди Гаргаш.
Бу баёнот Дарфурдаги зўравонликлар ва БАА қўллаб-қувватлаётган тезкор кучлар (RSF)нинг ҳаракатлари фонида янгради. Халқаро ҳамжамият эса Абу-Дабининг Судан можаросидаги роли устидан танқидни кучайтирмоқда. БАА Судандаги генералларга ёрдам бериб, бир нечта ҳудудларда Расмий ҳукумат назоратини йиқитган эди. Бугун эса ўша ҳудудларда яна бир геноцид ўчоғи пайдо бўлган.
