Лукашенко 31 нафар украиналикни афв этди
Бу ҳақда Беларус президенти матбуот котиби Наталя Эйсмонт хабар берди.
Унинг айтишича, қарор АҚШ президенти Доналд Трамп ва Беларус раҳбари Александр Лукашенко ўртасидаги келишувлар доирасида, шунингдек, «Россиянинг Украинага қарши ҳарбий амалиёти келишувга эришиш учун шарт-шароит яратиш мақсадида» қабул қилинган.
«Айни шу дақиқаларда, улар Украина томонига топширилмоқда», деди Эйсмонт БелТА агентлигига.
