Россия узоқ вақт давомида одамларни фазога юбора олмайди
Бойқўнғир космодромидаги старт майдончаси жиддий шикастланди, энди Россия узоқ вақт давомида одамларни фазога юбора олмайди.
Бу ҳақда ракета учиришлари бўйича таҳлилчи Георгий Тришкин маълум қилди.
«Қозоғистон ҳудудида жойлашган Россия бошқарувидаги Бойқўнғир космодромида 27 ноябрда “Союз МС-28” рус космик кемаси учирилганидан сўнг, номаълум сабабга кўра 31-майдончадаги хизмат кўрсатиш кабинаси қулаб тушган», — деди таҳлилчи.
Тришкиннинг таъкидлашича, Бойқўнғирдаги 31-майдонча — Россиянинг Халқаро космик станцияга одамларни юборишга мўлжалланган ягона парвоз майдончаси ҳисобланади. Унинг фикрига кўра, “Союз” ва “Прогресс” кемаларининг Халқаро космик станцияга учирилиши номаълум муддатга қолдирилади.
Мутахассисларнинг баҳолашича, старт майдончасини тиклаш ишлари икки йилгача чўзилиши мумкин. Бироқ “Роскосмос” шикастланишлар яқин вақт ичида бартараф этилишини маълум қилган.
