Россияда патент асосида ишловчи мигрантлар сони кескин ортди. Бунга сабаб эса…
2025 йилда, Россияда меҳнат патенти билан фаолият юритаётган чет эл фуқаролари сони ўтган йилга нисбатан 185 мингга кўпайиб, жами 2,3 миллион кишига етди. Таққослаш учун, бир йил аввал бу кўрсаткич 2,1 миллионни ташкил этган эди.
Меҳнат миграцияси учун энг жозибадор ҳудудлар сифатида анъанавий тарзда Москва (631 минг), Москва вилояти (427 минг) ва Санкт-Петербург (260 минг) шаҳарлари етакчилик қилмоқда. Шунингдек, кучли бешликдан Тюмен ва Свердловск вилоятлари ҳам жой олган. Энг кам ишчи кучи эса Ненец автоном округи ва Чукоткада қайд этилди.
