Венесуэланинг вақтинча президенти АҚШнинг буйруқларидан «тўйган»
Венесуэла вақтинча президенти, АҚШнинг буйруқларидан «тўйганини» айтди — Deutsche Welle.
Делси Родригеснинг таъкидлашича, ички муаммоларни ҳал қилиш Венесуэладаги сиёсатчиларнинг иши бўлиши керак.
«Вашингтоннинг Венесуэладаги сиёсатчиларга бераётган кўрсатмаларидан тўйдим», — деди Делси Родригес Венесуэла давлат телеканали эфирида.
Родригес, шунингдек, Венесуэла «мамлакатдаги фашизм ва экстремизмнинг оқибатлари билан юзлашганлиги учун жуда юқори нарх тўлаганини айтди.
Аввалроқ, АҚШ «Венесуэланинг санкциялар остидаги нефтини ташишда» айбланиб қўлга олинган етти танкердаги барча нефтни ўзлаштиргани ҳақида хабар берилган эди.
Делси Родригес Қўшма Штатларнинг ҳарбий операцияси натижасида Николас Мадуро қўлга олинганидан кейин президентлик вазифасини бажаришга киришган. АҚШ президенти Доналд Трамп ҳозирда мамлакатда янги президентлик сайловларини ўтказишни истамаяпти.
«Аввало, биз Венесуэлани тўғри йўлга қайтаришимиз керак», — деган эди Оқ уй раҳбари NBC News’га берган интервюсида.
